مدح الشاعر سعد بن عماش العتيبي رحمه الله لحرب 1

البارح أمسى ضميري فيه ولوالـي
والعين ما ذاق غمض النوم حاجبها
ذكرت دار الوفاء والمذهب الغالـي
دار عسى السيل يسقيها ويصحبهـا
يا راكب اللي ليا روح مع اللالـي
أسبق من الريـح يـوم الله يهببهـا
هاف جديد اخيـار الـوارد التالـي
من شركة فورد تو جت به مراكبها
يقوم من حايلٍ و الفـي مـا زالـي
وعصير طب المدينة واستراح بهـا
سير مع السوق وارفع صوتك العالي
وسلم على حرب حاضرها وغايبها
تلقى رجال الوفاء والمذهب العالـي
وتلقى الغلا عند جاهلهـا وشايبهـا
خمسة عشر عام وأنا جوفهم سالـي
الربعة اللـي اتدلـه مـن يقاربهـا
عليهم الِبيض تكسي حتى الأقذالـي
العزوة اللـي عزيـزات مذاهبهـا
من جيت منهـم يرحبـي وحيالـي
وإن جيت في قالتن راسي يطول بها
والعلم الآخر إليا حِرّج على التالـي
دون الركايب إليا زلـت عجايبهـا
كم دار قوم ولوه بحرب الأبطالـي
يصبح به البوم والثعلـب يجاوبهـا
كم شيخ قوم طووبه نايف الجالـي
على النقا والعرب من دون واجبهـا

أخي الغالي

ساكب الدمعه

صح لسان الشاعر سعد بن عماش العتيبي

وسلمت يمينك على النقل

تقبل مروري المتواضع

دمتــ بحفظ ربكــ

صح بدنك اخوي كيموووووو حضورك الرائع اعجبني تقبل مروري ولك مني جزيل الشكر